Ըստ Գորլիվկայի քաղաքապետ Իվան Պրիխոդկոյի՝ «Արբատ» գումարտակի հրամանատար Հայկ Գասպարյանը զոհվել է Դոնեցկի շրջանում, «մարտական առաջադրանք կատարելիս»: Գորլիվկան Դոնբասի՝ Ռուսաստանի կողմից օկուպացված հատվածում է։
2022 թվականի դեկտեմբերին Գասպարյանը Ռուսաստանի նախագահ Վ․ Պուտինի կողմից Դոնի Ռոստովի հվ․ ռազմ․ շրջանի շտաբ-բնակարանում պարգևատրվածների թվում է եղել։ Մինչ այդ նա կրել է պատիժ խիստ ռեժիմի բանտային գաղութում։
Գասպարյանը ձերբակալվել էր 2019 թվականի հոկտեմբերին՝ Մոսկվայի սրճարանում կողոպուտի փորձից հետո։ Դատարանը որոշել է, որ նա և նրա հանցակիցը, որոնք զինված են եղել տրավմատիկ ատրճանակով, փորձել են գողանալ սրճարանի հաճախորդից մեծ գումար պարունակող պայուսակ։ 2020 թվականի նոյեմբերին Գասպարյանը դատապարտվել է յոթ տարվա ազատազրկման՝ խիստ ռեժիմի բանտային գաղութում։
Բանտից ազատվելուց հետո նա կռվել է «Վագների» համար, իսկ ավելի ուշ դարձել «ԱրԲատի»՝ «Հայկական գումարտակի» հրամանատարը։
Նշենք նաև, որ 2025 թվականի փետրվարի 3-ին Մոսկվայի «Սքարլեթ Սեյլս» բնակելի համալիրում տեղի էր ունեցել պայթյուն, որի հետևանքով զոհվել էին «ԱրԲատ» գումարտակի հիմնադիր Արմեն Սարգսյանն ու նրա անվտանգության աշխատակիցներից մեկը։