Հունվարի 20-ին Հայաստանից դեպի Իրանի պետական սահմանի ապօրինի հատման դեպք է արձանագրվել. Radar Armenia-ի հարցմանն ի պատասխան հայտնել են ՀՀ ԱԱԾ-ից։
Կատարվածի առթիվ ՀՀ քննչական կոմիտեում նախաձեռնվել է քրեական վարույթ։
«Իրանի Իսլամական Հանրապետությունից դեպի Հայաստանի Հանրապետություն պետական սահմանի ապօրինի հատման (ներխուժման) դեպք ՀՀ ազգային անվտանգության ծառայության կողմից չի արձանագրվել: Տեղեկացվում է նաև, որ նույն օրն արձանագրվել է Հայաստանի Հանրապետությունից դեպի Իրանի Իսլամական Հանրապետություն պետական սահմանի ապօրինի հատման դեպք»,- ի պատասխան մեր գրավոր հարցման, նշել են ԱԱԾ-ից։
Radar Armenia-ին Քննչական կոմիտեից էլ տեղեկացրին, որ հարուցված վարույթի շրջանակներում ձերբակալվել է Բանգլադեշի 7 քաղաքացի։