Միլիարդավոր դրամների պարգևավճարներ ստացած իշխանավորները, կարծես, ամեն կերպ փորձում են արդարարանալ ու տպավորություն ստեղծել, թե Փաշինյանն ու թիմը հոգ են տանում նաև թոշակառուների մասին: Մի քանի ՔՊ-ականներ օրեր շարունակ ռիլեր են հրապարակում, մարդկանց «սիրելի ու հարգելի քաղաքացի» անվանում ու առողջության ապահովագրության համակարգի ներդրումը ներկայացնում, որպես թոշակի բարձրացման այլընտանք: Նույնն այսօր արել է Փաշինյանը: Բայց ՔՊ-ականներին, կարծես, չի հաջողվում լռեցնել մարդկանց բողոքի ձայնը: