Երիտասարդութեան եւ մարմնակրթութեան նախարար դոկտ. Նորա Պայրագտարեան արտասահմանի մէջ մարզական մրցաշարքերու մէջ ձեռքբերումներ արձանագրած լիբանանցի մարզիկներու իր քաջալերման ծիրին մէջ պատուեց շարք մը ֆետերասիոններէ խումբ մը մարզիկներ եւ վարչական պատասխանատուներ:
Ասիկա 5-րդ անգամն էր, որ նախարարը մեծարելու համար կ՛ընդունէր արտասահմանի մէջ ձեռքբերումներ արձանագրած մարզիկներ:
Ուշագրաւ էր շարք մը ծնողներու ներկայութիւնը. քայլ մը, որ ցոյց կու տայ լիբանանցի ընտանիքին մարմնակրթութիւնը իբրեւ իրենց զաւակներու կրթութեան ու դաստիարակման միջոց որդեգրումը:
Մեծարուողները իրենց շնորհակալութիւնն ու գնահատանքը արտայայտեցին նախարարութեան այս քայլին նկատմամբ եւ անոր մէջ տեսան ապագայ մարզական ձեռքբերումներ արձանագրելու բարոյական խթան մը: