Իրանի խորհրդարանի խոսնակ Մոհամմադ Բաղեր Ղալիբաֆը հանդես է եկել ծավալուն հայտարարությամբ՝ անդրադառնալով ԱՄՆ-ի հետ լարված հարաբերություններին և հնարավոր ռազմական բախման հեռանկարներին։
Նա մասնավորապես նշել է, որ թեև Դոնալդ Թրամփը կարող է պատերազմ սկսելու որոշում կայացնել, սակայն նա չի տիրապետի դրա ավարտի սցենարներին և հետագա զարգացումներին։
Խոսնակը շեշտել է, որ Թեհրանը սկզբունքորեն դեմ չէ Վաշինգտոնի հետ երկխոսությանը։
«Թրամփը կարող է պատերազմ սկսել, բայց նա չի կարող վերահսկել, թե ինչպես այն կավարտվի։ Հարձակման դեպքում Իրանը կպատասխանի, և հազարավոր ամերիկացի զինվորներ կհայտնվեն վտանգի մեջ։ Մենք պատրաստ ենք բանակցել ԱՄՆ-ի հետ, եթե դա լինի անկեղծ»,- ասել է նա։