ԵՄ անդամ պետությունները հաստատել են Եվրոպական խաղաղության հիմնադրամից Հայաստանին 20 միլիոն եվրոյի օգնություն տրամադրելը, հայտնել է «Ազատություն» ռադիոկայանը՝ հղում անելով իր աղբյուրներին։
Նրանց տեղեկությունների համաձայն՝ համապատասխան որոշումը կայացվել է ԵՄ Խորհրդի նիստում։ Նշվում է, որ Երևանը օգնության հայտ է ներկայացրել 2025 թվականին, սակայն Հունգարիան այն արգելափակել է։
Լրատվամիջոցի տվյալներով՝ «դիվանագիտական հանդիպումներից և կուլիսային բանակցություններից» հետո Բուդապեշտը փոխել է իր դիրքորոշումը, որը, որպես Հայաստանին օգնություն տրամադրելու պայման, պահանջում էր նույն քանակությամբ օգնություն հատկացնել նաև Ադրբեջանին։
2024 թվականի հուլիսին Եվրոպական խաղաղության հիմնադրամը 10 միլիոն եվրո է հատկացրել՝ Հայաստանի զինված ուժերի լոգիստիկ կարողությունները հզորացնելու և ճգնաժամային ու արտակարգ իրավիճակներում քաղաքացիական բնակչության պաշտպանության բարելավմանը նպաստելու համար։
