ԱՄՆ պետքարտուղարը հայտարարել է, որ Միացյալ Նահանգները պատրաստ է ուժ կիրառել՝ Վենեսուելային համագործակցության հարկադրելու համար։ Նա հույս է հայտնել, որ Վենեսուելայի նախագահի պաշտոնակատար Դելսի Ռոդրիգեսի անձնական շահերը կդրդեն նրան նպաստել ամերիկյան առանցքային նպատակների իրագործմանը, հայտնում է Bloomberg-ը։
Չորեքշաբթի օրը օրենսդիրների առջև ելույթի համար նախապատրաստված հայտարարության մեջ Ռուբիոն նշել է, որ Ռոդրիգեսը խոստացել է բացել Վենեսուելայի էներգետիկ հատվածը ամերիկյան ընկերությունների համար։ Ըստ պետքարտուղարի՝ խոստումը ներառում է արդյունահանման նախապատվելի հասանելիության տրամադրում և նավթի վաճառքից ստացված միջոցների օգտագործում՝ ամերիկյան ապրանքներ գնելու նպատակով։