Ադրբեջանցի զինծառայողների խումբ է ուղարկվել Արաբական Միացյալ Էմիրություններ՝ մասնակցելու «Խաղաղության վահան 2026» համատեղ օպերատիվ-մարտավարական զորավարժություններին։
Ադրբեջանի պաշտպանության նախարարության տվյալներով՝ զորավարժությունների հիմնական նպատակն է բարձրացնել մասնակից երկրների ռազմական զորքերի մասնագիտական հմտությունները հակաահաբեկչական գործողություններ իրականացնելու գործում, նպաստել կայուն խաղաղությանը և փորձի փոխանակում մասնակիցների միջև։
«Խաղաղության վահան 2026» համատեղ օպերատիվ-մարտավարական զորավարժությունները կանցկացվեն փետրվարի 2-3-ը։