ՆԳՆ ՓԾ-ից հայտնում են, որ հունվարի 25-ին՝ ժամը 13:43-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Փոքր Այրում գյուղի 2-րդ փողոցում այրվում է կուտակած անասնակեր։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
Պարզվել է, որ հրդեհը բռնկվել է գյուղի 2-րդ փողոցում գտնվող տներից մեկի բակում։ Հրդեհը մեկուսացվել է ժամը 14։35-ին, մարվել՝ 15։30-ին։ Այրվել է մոտ 150 հակ անասնակեր։