Եվրոպական-միջերկրածովյան սեյսմոլոգիական կենտրոնի տվյալներով՝ Թուրքիայի Բալըքեսիր նահանգում գրանցվել է 5.1 մագնիտուդով երկրաշարժ։
Կենտրոնի տվյալներով՝ ցնցումները տեղի են ունեցել Սընդըրի շրջանում հունվարի 24-ին, տեղական ժամանակով ժամը 00:24-ին։ Էպիկենտրոնը գտնվել է Բալըքեսիրից մոտավորապես 62 կիլոմետր հարավ-արևելք։ Ստորգետնյա ցնցումների խորությունը կազմել է մոտավորապես 11 կիլոմետր։
Շրջանի բնակչությունը կազմում է ավելի քան 238 000 մարդ։
Զոհերի կամ վնասների մասին պաշտոնական հաղորդագրություններ չկան։ Բալըքեսիրի նահանգապետ Իսմայիլ Ուստաօղլուն X սոցիալական ցանցում հայտնել է, որ զոհեր կամ վնասներ չկան։
