Իրանի արտաքին գործերի նախարար Աբբաս Արաղչին՝ դիմելով ԱՄՆ նախագահ Դոնալդ Թրամփին, հայտարարել է, որ ԱՄՆ բոլոր տարբերակները ձախողվել են, այժմ ժամանակն է փորձել հարգանքը։
«Մինչ իրանցիները սգում են իրենց մահացածներին և վերականգնում ահաբեկիչների կողմից ավերվածը, հորիզոնում նոր սպառնալիք է ի հայտ գալիս՝ դիվանագիտության վերջնական փլուզումը։
Լիամասշտաբ բախումը, անկասկած, կլինի կործանարար, դաժան և զգալիորեն ավելի երկար, քան այն երևակայական ժամանակացույցերը, որոնք Իսրայելը և նրա դաշնակիցները փորձում են վաճառել Սպիտակ տանը։
Իրանի ուղերձը նախագահ Թրամփին բյուրեղյա պարզ է. Միացյալ Նահանգները փորձել է բոլոր հնարավոր թշնամական միջոցները՝ պատժամիջոցներից և կիբեռհարձակումներից մինչև ուղղակի ռազմական հարվածներ և, վերջերս, խոշոր ահաբեկչական գործողությունը խթանելու բացահայտ հրահրում։ Եվ այդ ամենը ձախողվել է։ Ժամանակն է այլ կերպ մտածել։ Փորձեք հարգանքը»,- ասել է նա։