Առանց Հայաստանի համաձայնության բաժնեմասերի օտարում որևէ կերպ տեղի ունենալ չի կարող։ Այս մասին այսօր ԱԺ-ում հայտարարել է ԱԳ նախարար Արարատ Միրզոյանը։
Հարցին, թե արդյոք վտանգ չկա, որ TRIPP նախագծում ներգրավվեն ադրբեջանական ընկերությունները, Արարատ Միրզոյանը պատասխանել է, որ ցանկացած նման որոշում կարող է կայացվել բացառապես Հայաստանի համաձայնությամբ։
Միրզոյանը նաև մեջբերել է TRIPP-ի վերաբերյալ վաշինգտոնյան հայտարարությունից հատված, որտեղ նշվում է, որ սկզբունքային հարցերում որոշումները կայացվելու են բացառապես Հայաստանի վերահսկողությամբ։