Ասիական ֆոնդային շուկաները շարունակել են անկումը՝ ԱՄՆ-ի կողմից Գրենլանդիան գրավելու սպառնալիքների ֆոնին։ Միաժամանակ ճապոնական պետական պարտատոմսերը կտրուկ վերականգնվել են՝ մեղմացնելով նախորդ օրվա անկումը։
Ուոլ Սթրիթում գիշերը անկում է գրանցվել ավելի քան 2%-ով, իսկ ԱՄՆ դոլարը կրել է ամենամեծ անկումը վերջին ամսվա ընթացքում։
Այս ֆոնին ներդրողները շտապել են դեպի ոսկի՝ որպես ապահով ակտիվ։ Ոսկու գինը բարձրացել է 2.1%-ով՝ հասնելով նոր ռեկորդային ցուցանիշի՝ 4865 դոլար մեկ ունցիայի համար։
Եվրոպական միությունը հինգշաբթի Բրյուսելում արտակարգ գագաթնաժողով է անցկացնելու՝ հարցը քննարկելու համար։ Տարբերակներից մեկը 93 մլրդ եվրո արժողությամբ ամերիկյան ներմուծման դեմ մաքսատուրքերի փաթեթն է, որը կարող է ինքնաբերաբար ուժի մեջ մտնել փետրվարի 6-ին՝ վեցամսյա կասեցումից հետո։
Մյուս տարբերակը մինչ այժմ չօգտագործված «Հակահարկադրական գործիքն» է (ACI), որը կարող է սահմանափակել հանրային մրցույթներին, ներդրումներին կամ բանկային գործունեությանը մուտքը, ինչպես նաև ծառայությունների առևտուրը, որտեղ ԱՄՆ-ն ունի գերակշռություն ԵՄ-ի հետ, այդ թվում՝ թվային ծառայություններում։