Երիտասարդութեան եւ մարմնակրթութեան նախարար դոկտ. Նորա Պայրագտարեան երէկ մեկնեցաւ Գահիրէ` մասնակցելու համար Արաբական լիկայի կեդրոնատեղիին մէջ երիտասարդութեան եւ մարմնակրթութեան արաբ նախարարներու խորհուրդի ժողովներուն:
Գահիրէի մէջ նախարար Պայրագտարեանը ընդունեց Եգիպտոսի մէջ Լիբանանի դեսպան եւ Արաբական լիկայի մէջ Լիբանանի մնայուն ներկայացուցիչ Ալի Հալապի:
Պայրագտարեան երիտասարդութեան եւ մարմնակրթութեան արաբ նախարարներու ժողովներուն կողքին հանդիպումներ պիտի ունենայ իր եգիպտացի, իրաքցի եւ յորդանանցի պաշտօնակիցներուն, ինչպէս նաեւ խորհրդաժողովին մասնակից սէուտական պատուիրակութեան հետ: