Վենեսուելայի կառավարությունը հայտարարել է, որ 116 բանտարկյալ ազատ է արձակվել վերջին մի քանի ժամվա ընթացքում, թեև իրավապաշտպան խմբերը հայտնել են ավելի փոքր թիվ։
«Արմենպրես»-ի փոխանցմամբ՝ այս մասին հայտնում է Reuters-ը:
Ազատ արձակումները հաջորդել են Կարակասում մեկ շաբաթ տևած քաղաքական իրարանցմանը, որը տեղի է ունեցել ԱՄՆ-ում Վենեսուելայի նախագահ Նիկոլաս Մադուրոյի ձերբակալությունից հետո:
Վենեսուելան հայտարարել է, որ ազատ արձակվածները ազատությունից զրկվել էին սահմանադրական կարգն ու երկրի կայունությունը խաթարելու հետ կապված գործողությունների համար:
Վենեսուելայում հարյուրավոր քաղբանտարկյալների ազատ արձակումը մարդու իրավունքների պաշտպանությամբ զբաղվող խմբերի, միջազգային մարմինների և ընդդիմադիր գործիչների պահանջն է դեռ վաղուց։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: