«Դուք ուխտերթին որպես ո՞վ էիք մասնակցում. Պաշտպանության նախարար Սուրեն Պապիկյա՞ն, ՔՊ վարչության անդա՞մ, թե՞ պարզապես քաղաքացի»,- ասուլիսի ժամանակ հարց ուղղվեց ՀՀ Պաշտպանության նախարար Սուրեն Պապիկյանին: Նա պատասխանեց. «Մասնակցել եմ որպես ՀՀ քաղաքացի, որպես ՔՊ կուսակցության վարչության անդամ և որպես նախարար, որովհետև ես այս պաշտոնը զբաղեցնում եմ որպես «Քաղաքացիական պայմանագիր» կուսակցության անդամ, որպես Կառավարության անդամ: Բնական է, որ սրանք իրար հետ փոխկապակցված դերեր են, ես այդ դերից չեմ խուսափելու»: