Հայաստանի բազմակի չեմպիոն Միքայել Միքայելյանն սկանդալի կենտրոնում էր հայտնվել Իտալիայի մրցաշարի օրերին՝ մարզահագուստին Ադրբեջան գրությունը կպչուն ժապավենով փակելու համար: Դահուկային սպորտի և սնոուբորդի միջազգային ֆեդերացիան տուգանել էր հայ դահուկորդին, իսկ Հայաստանի մշակույթի, սպորտի և մնացյալի նախարար Ժաննա Անդրեասյանը, ըստ էության, արդարացրել էր տուգանքը՝ հայտարարելով, թե սպորտը չի կարելի խառնել քաղաքականության հետ: