Հայ մարտիկները ութ հաղթանակ են տարել Hype Fighting Armenia մրցաշարում, հաղորդում է Sportaran-ը:
Մասշտաբային մրցաշարն անցկացվել է դեկտեմբերի 30-ին Երևանում՝ Կարեն Դեմիրճյանի անվան Մարզահամերգային համալիրի արենայում: 8 հազար հանդիսատեսի համար նախատեսված տրիբունաներն ամբողջությամբ լեփ-լեցուն էին, շատ երկրպագուներ մարտերը դիտում էին կանգնած։
Գլխավոր իրադարձությունը UFC-ի մարտիկ Արման Ծառուկյանի և Շարաբուդտին Մագոմեդովի (Շարա Բուլետ) միջև մինչև 84 կգ քաշային կարգում գրապլինգ մենամարտն էր, որը 6 րոպե տևեց և ավարտվեց ոչ-ոքի: Չնայած հաղթողի բացակայությանը՝ Ծառուկյանը երկու անգամ թեյքդաուններ է անցկացրել՝ հանդիսատեսին դիտարժան պայքար պարգևելով: Մրցաշարը բացել է Արման Ծառուկյանը:
Պրոֆեսիոնալ բռնցքամարտի 10 տարվա փորձ ունեցող բռնցքամարտիկների դեբյուտանտ Արմեն Աթաևը մրցավարների միաձայն որոշմամբ վստահ հաղթել է Իսա Ալիբեկովին, իսկ մեկ այլ դեբյուտանտ՝ Վահե Սարուխանյանը նույնպես միաձայն որոշմամբ հաղթանակ է տարաել Հաջի Մահդիևի նկատմամբ՝ մի քանի անգամ նոկդաունի ենթարկելով մրցակցին:
Էդգար Հովհաննիսյանը բոլոր երեք ռաունդներում հաղթել է Հոչբար Դակաևին՝ ոչ մի շանս չթողնելով մրցակցին, իսկ Ազիզ Քամալովը դիտարժան մենամարտում միաձայն որոշմամբ հաղթել է Համզատ Հաջիմուրատովին՝ չնայած երրորդ ռաունդում մրցակցի վերադարձին: Գենադի Մակարյանը առաջին ռաունդում նոկաուտի է ենթարկել Շամիլ Հասանբեկովին՝ տպավորիչ ավարտելով երկար սպասված ռևանշը:
Հայկական MMA-ի և քիքբոքսինգի լեգենդ Դավիթ Խաչատրյանը 9-րդ հաղթանակն է տարել մերկ բռունցքներով՝ երկրորդ ռաունդում կանգնեցնելով Աբուբաքար Մամեդովին, իսկ Լենդրուշ Հակոբյանը միաձայն որոշմամբ հաղթել է Ամիրխան Օևին մինչև 80 կգ քաշային Hype Fighting գոտու համար հավակնորդ մենամարտում և այժմ կմրցի Իբրահիմ Իսլամովի հետ:
