Ազգային օդագնացության և տիեզերական տարածքի հետազոտություններիգործակալությունը (NASA) հրապարակել է տիեզերական «Սուրբծննդյան եղևնու» նոր լուսանկար:
NGC 2264 օբյեկտը գտնվում է Միաեղջյուրի համաստեղությունում, Երկրից մոտավորապես 2700 լուսային տարի հեռավորության վրա։ «Ծառը» ձևավորվում է երիտասարդ աստղերի կույտից, որոնք կազմում են առանձնահատուկ եռանկյունաձև ձև, որը հիշեցնում է փշատերև ծառի ուրվագիծ: Դրանց պայծառ լույսերը հիշեցնում են տոնական զարդարանքներ:
Բացի «տոնածառից», տոնական տիեզերական տեսարանը լրացնում են նաև այլ օբյեկտներ՝ մուգ կոնաձև միգամածությունը, որը հիշեցնում է Սուրբծննդյան եղևնու գագաթը, և պտտվող Աղվեսի միգամածությունը, որն ստեղծում է գեղեցիկ ֆոն:
Օբյեկտը կարելի է դիտարկել Երկրից տարվա տարբեր ժամանակներում, չնայած այն գտնվում է բավականին մռայլ և էկզոտիկ Միաեղջյուրի համաստեղությունում։ NGC 2264 աստղակույտը, որը հայտնի է նաև որպես «Ձյան փաթիլների կույտ», առաջին անգամ հայտնաբերվել է բրիտանացի գիտնական Ուիլյամ Հերշելի կողմից 1784 թվականին:
