Ռուսաստանի արտաքին գործերի նախարար Սերգեյ Լավրովը «Ռոսիա սեգոդնյա» լրատվական գործակալությանը տված հարցազրույցում ներկայացրել է Ուկրաինայում ռազմական գործողությունների դադարեցման պայմանները: Հարցազրույցը հրապարակվել է նախարարության կայքում։
Նա նշել է, որ նախագահական ընտրությունների անցկացումը բավարար չէ: Լավրովի խոսքով՝ անհրաժեշտ է, առաջին հերթին, աշխատել հակամարտության արմատական պատճառները լուծելու իրավաբանորեն պարտավորեցնող երաշխիքների վրա: Նա նաև հավելել է, որ պետք է ապահովվի Ուկրաինայի չեզոք և միջուկային զենքից զերծ կարգավիճակը, ինչպես նաև նրա ապառազմականացումը և դենացիֆիկացումը:
«Եվ, իհարկե, Կիևը և նրա արևմտյան կողմնակիցները պետք է ճանաչեն նոր տարածքային իրողությունները, որոնք ի հայտ են եկել Ղրիմի, Սևաստոպոլի, Դոնեցկի Ժողովրդական Հանրապետության, Լուգանսկի Ժողովրդական Հանրապետության, ինչպես նաև Զապորոժյեի և Խերսոնի մարզերի Ռուսաստանի Դաշնությանը միանալուց հետո», – ասել է Լավրովը: