29 դեկտեմբերի 2025 – 12:43 AMT
PanARMENIAN.Net – Երևանի քաղաքապետ Տիգրան Ավինյանըտեղեկացրել է, որ կենցաղային թափոնների վերամշակման գործարանի կառուցման մրցութային փաթեթը հասանելի է և մրցույթն արդեն հայտարարված է։
«Տարբեր երկրներից գործընկերներ արդեն հայտեր են ներկայացրել»,- հավելել է նա, հայտնում է Auroranews.am-ը։
Նրա խոսքով՝ հետաքրքրված կողմերն ունեն երեք ամիս ժամանակ՝ ուսումնասիրելու մրցութային փաթեթը և ներկայացնելու իրենց առաջարկները։
«Այդ առաջարկների հիման վրա երկփուլ մրցույթով կամփոփենք հաղթողին։ Սա մեր երկու ճանապարհներից մեկն է, և կարևոր է, որ այս ճանապարհով սկսենք անցնել»,- ասել է Ավինյանը։
Քաղաքապետը նշել է, որ լավատես է և վստահում է, որ կլինեն որակյալ լուծումներ, քանի որ հետաքրքրությունը մեծ է։