Ես փողոցային բառապաշարից բացարձակապես հաճույք չեմ ստանում, սակայն ավագանու նիստերի ժամանակ ստիպված եմ լինում, այլ ելք չի մնում․ այսօր հրավիրած ասուլիսին ասաց Երևանի քաղաքապետ Տիգրան Ավինյանը՝ պատասխանելով ABC Media-ի հարցին, թե ինչո՞ւ են Երևանում ավագանու նիստերը բավականին լարված մթնոլորտում անցնում, փողոցային բառապաշարով, երբ Նիկոլ Փաշինյանն ընդունել է բարեվարքության կանոն ՔՊ անդամների համար։
«Փողոցային բարքերով խոսող այն անձինք, որոնք պատահմամբ հայտնվել են ավագանու կազմում, պարբերաբար ուղղակի ստիպում են իրենց իսկ լեզվով հիշեցնել, թե ինչպիսին է կարգուկանոնը։ Շատ ցավում եմ, որ ստիպված եմ լինում տարին մեկ անգամ նման արձագանք ունենալ, բայց միգուցե սա միակ լեզուն է, որով մեր գործընկերները հասկանում են»,- ասաց նա։