Ենթակայանում բռնկված հրդեհի հետևանքով Էրեբունի վարչական շրջանն ամբողջությամբ հոսանքազրկվել է, հայտնել են «Հայաստանի էլեկտրական ցանցեր» ընկերությունից։
Նշվում է, որ հոզանքազրկվել են նաև «Սարի Թաղ» թաղամասը, Խորենացի և Տիգրան Մեծ փողոցները, Չարենցի փողոցից մի հատված:
«ՀԷՑ-ի օպերատիվ վերանորոգող անձնակազմն ամբողջ կարողությամբ և ամբողջական ներգրավվածությամբ աշխատում է հետևանքների արագ վերացման և հոսանքազրկված տարածքներում էլեկտրաէներգիայի մատակարարման վերականգման ուղղությամբ»,- ասված է հայտարարության մեջ։
Ներքին գործերի նախարարությունից ավելի ուշ հայտնել են, որ հրդեհի ահազանգն ստացել են դեկտեմբերի 28-ին՝ ժամը 00։12-ին։ Հրդեհը մեկուսացվել է ժամը 00։53-ին, մարվել՝ 01։20-ին։ Նշվում է, որ 200 քմ տարածքում այրվել է ենթակայանի գույքը՝ մասամբ։
ՀԷՑ-ն ավելի ուշ տեղեկացրել է, որ Էրեբունի համայնքում մասնակի վերականագնվել է էլեկտրամատակարարումը։
Նյութը թարմացվել է 13։18-ին։
