Դեկտեմբերի 28-ին Գյումրի-Ազատան ավտոճանապարհին տեղի ունեցած վթարի հետևանքով երեք մարդ է զոհվել, երկուսը վիրավորվել են, հայտնել են ՆԳՆ փրկարար ծառայությունից։
Պարզվել է, որ Գյումրի-Ազատան ավտոճանապարհի 1-ին կմ-ին բախվել են Mercedes-Benz և Lada մակնիշների ավտոմեքենաները։ Mercedes-Benz մակնիշի ավտոմեքենայից դուրս հայտաբերվել է ուղևորի դին, իսկ վարորդը հոսպիտալացվել է բժշկական կենտրոն։
Փրկարարները Lada մակնիշի ավտոմեքենայից դուրս են բերել ուղևորին և մոտեցրել շտապօգնությանը․ տուժածը հոսպիտալացվել է բժշկական կենտրոն։
«Փրկարարները սահմանազատել են տարածքը, հոսանքազրկել ավտոմեքենաները, փակել գազի բալոնների փականները և ավտոմեքենաներից դուրս բերել երկու դի»,- մանրամասնել են ՆԳՆ-ից։
