Տոկիոյում մի խումբ ցուցարարներ ակցիա են անցկացրել վարչապետի նստավայրի առջև՝ դժգոհություն հայտնելով Ճապոնիայի Նիիգատայի պրեֆեկտուրայում գտնվող աշխարհի ամենամեծ ատոմակայանը վերագործարկելու կառավարության որոշման դեմ:
Ցուցարարները նշում են, որ կայանները հնացած են, վերահսկողությունն անբավարար է, և անտեսվում են պատմության ընթացքում տեղի ունեցած աղետները:
Ֆուկուշիմայի աղետից գրեթե 15 տարի անց Նիիգատայի պրեֆեկտուրան դեկտեմբերի 22-ին հաստատել էր Կաշիվազակի-Կարիվա ատոմակայանի վերագործարկումը: Կաշիվազակի-Կարիվան մեկն էր այն 54 ռեակտորներից, որոնք փակվել էին Ֆուկուշիմայի աղետից հետո: 2011 թ. մարտին Ֆուկուշիմայի ատոմակայանում 9 մագնիտուդով երկրաշարժը և դրան հաջորդած ցունամին հանգեցրել էին միջուկային պայթյունների և ճառագայթման, ինչի հետևանքով տեղի էր ունեցել ամենաբարձր՝ 7-րդ մակարդակի միջուկային վթար: