Երևանի քաղաքապետարանից հայտնում են, որ 2025 թվականին կանաչապատման ոլորտում իրականացվել են մի շարք ծրագրեր՝ մասնավորապես․
- Մշտադալար ծառերի տունկ,
- 1500 գծամետր ծառուղի՝ Սիլիկյան և Դավթաշեն գերեզմանների հարակից հատվածում,
- Վերահիմնված ուսանողական այգի,
- Նոր քաղաքային անտառներ. Աշտարակի խճուղու Երևան մուտք և Չաուշ միջնաշերտի հատվածում՝ 4 հեկտար,
- Նոր Նորքի Սուրբ Սարգիս եկեղեցու և Դավիթ Բեկի փողոցի միջնամասում՝ 6 հեկտար,
- Վերջին երեք տարում ստեղծվել են գրեթե 60 հա նոր կանաչապատ տարածքներ և վերջին երեք տարիների կանաչապատ տարածքների ավելացումը գերազանցում է ոչ միայն նախորդ երեք տարվա, այլև դրան նախորդող 22 տարիների աշխատանքը. 2000–2022թթ.,
- Այս տարի Երևանում ընդհանուր առմամբ տնկվել են 4500-ից ավել հասուն և արժեքավոր ծառեր, որից 1000-ը մշտադալար,
- Ծառերի փոխարինման աշխատանքներ են իրականացվել Թումանյան և Մելիք-Ադամյան փողոցներում,
- Անցկացվել է շուրջ 35 կմ ոռոգման նոր ցանց,
- Ընդլայնվել է քաղաքային տնկարանը, որտեղ աճեցվում է շուրջ 200.000 բուսատեսակ: