ԱՄՆ զինված ուժերը հարված են հասցրել Նիգերիայում «Իսլամական պետության» զինյալներին:
ԱՄՆ նախագահ Դոնալդ Թրամփն այս մասին հայտարարել է իր Truth Social էջում։ Վաշինգտոնի շտաբի պետը հայտարարել է, որ իր հրամանով ԱՄՆ-ն «հզոր և մահացու հարված» է հասցրել Նիգերիայի հյուսիս-արևմուտքում գտնվող զինյալներին, որոնք, նրա խոսքով, դաժանորեն սպանում են հիմնականում անմեղ քրիստոնյաների:
Թրամփը նշել է, որ Պենտագոնը մի շարք ճշգրիտ հարվածներ է հասցրել։ ԱՄՆ նախագահը շեշտել է, որ նախկինում զգուշացրել է ահաբեկիչներին հետևանքների մասին, եթե նրանք շարունակեն սպանել, հավելելով, որ ԱՄՆ-ն թույլ չի տա արմատական իսլամիստներին «ծաղկել»։ Նա նաև հայտարարել է, որ հարվածները կշարունակվեն, եթե զինյալները շարունակեն հարձակումները։ Իր հերթին, ԱՄՆ պաշտպանության նախարար Փիթ Հեգսեթը X սոցիալական մեդիա հարթակում հայտարարել է, որ գործողությունն իրականացվել է Նիգերիայի իշխանությունների աջակցությամբ և համագործակցությամբ։
ԱՄՆ Աֆրիկյան հրամանատարությունը հայտարարել է, որ գործողությունն իրականացվել է նիգերիական կողմի խնդրանքով։ Հարվածների արդյունքում սպանվել են մի շարք զինյալներ: