Օկուպացված Ստեփանակերտի բնակիչ Կարեն Ավանեսյանը Ստեփանակերտում դատապարտվել է 16 տարվա ազատազրկման։
Ըստ APA-ի՝ դատավճիռը հրապարակվել է այսօր դատարանում։ Դատախազը Կարեն Ավանեսյանի համար պահանջել էր 18 տարվա ազատազրկում։
Հիշեցնենք, որ Ավանեսյանին (ծնվ. 1967թ.) մեղսագրվող արարքի հանգամանքները հայտնի են բացառապես ադրբեջանական իշխանությունների մատուցմամբ։
58-ամյա Ավանեսյանը ձերբակալվել էր այս տարվա աշնանը։ Ադրբեջանցի իրավապահների պնդմամբ՝ նա սեպտեմբերի 14-ին իբր փորձել էր քաղաքի կենտրոնում «ահաբեկչական գործողություն իրականացնել», ինչի արդյունքում ոստիկաններ էին վիրավորվել։
Միջադեպը տեղի էր ունեցել Իլհամ Ալիևի՝ Ստեփանակերտ կատարած այցի ժամանակ։
Անկախ աղբյուրներով հնարավոր չէ հետևել դատաքննության ընթացքին: