Տաջիկա-աֆղանական սահմանին զինված բախում է տեղի ունեցել, կան զոհեր՝ հայտնել է Տաջիկստանի ազգային անվտանգության պետական կոմիտեն:
Գերատեսչության տվյալով միջադեպը տեղի է ունեցել Խաթլոնի մարզի Շամսիդդին Շոխին շրջանում։ Նշվել է, որ երեք զինյալ, որոնք ապօրինի հատել են պետական սահմանը, զինված դիմադրություն են ցույց տվել և ոչնչացվել գործողության ընթացքում:
Բախման հետևանքով զոհվել է Տաջիկստանի սահմանապահ ծառայության երկու աշխատակից: Գործողության ավարտից հետո սահմանային իրավիճակը գնահատվում է կայուն և հանգիստ: