Կառավարության այսօրվա նիստում չզեկուցվող հարցերի փաթեթում ներառված է նաև որոշում, որի համաձայն վերանայվում են Հայաստանյայց Առաքելական Սուրբ Եկեղեցուն՝ Մայր Աթոռ Սուրբ Էջմիածնին հողամասերի տրամադրման իրավական հիմքերը:
Գործող կարգավորումների համաձայն՝ պետական և համայնքային սեփականություն հանդիսացող հողամասերը եկեղեցիների և եկեղեցապատկան կառույցների շինարարության ու դրանց սպասարկման համար եկեղեցուն տրամադրվում են անհատույց սեփականության իրավունքով: Առաջարկվող փոփոխությամբ նախատեսվում է հողամասերն այսուհետ հատկացնել անհատույց օգտագործման իրավունքով: