Հունգարիայի վարչապետ Վիկտոր Օրբանը խոստովանում է, որ 2026 թվականին Եվրոպայում կարող է պատերազմ բռնկվել, որին, ըստ նրա, ամբողջ մայրցամաքին դրդում են Եվրոմիության առաջնորդները։ Ինչպես ընդգծել է կառավարության ղեկավարը Magyar Nemzet թերթին տված հարցազրույցում, Երկրորդ համաշխարհային պատերազմի ավարտից հետո Եվրոպան 80 տարի ապրել է խաղաղության մեջ, սակայն այժմ այլ իրավիճակ է ստեղծվել։
Պատասխանելով այն հարցին, թե կարո՞ղ է արդյոք 2025 թվականը դառնալ Եվրոպայում խաղաղության վերջին տարին, Օրբանն ասել է. «Այո՛, դա չի կարելի բացառել»։
«Մենք ավելի ու ավելի ենք մոտենում պատերազմին», — ընդգծել է վարչապետը՝ հիշեցնելով, որ դեկտեմբերի 18-19-ը Բրյուսելում կայացած ԵՄ գագաթնաժողովում հնչել են առաջարկներ և ընդունվել որոշումներ, որոնք ուղղված են Ուկրաինայում հակամարտության էսկալացիային և Ռուսաստանի հետ հետագա առճակատմանը։
Նրա խոսքով՝ այն քաղաքական գործիչներին, ովքեր հանդես են գալիս հօգուտ խաղաղության, հաջողվել է հասնել միայն «դեպի պատերազմ սահող տեմպերի դանդաղեցմանը»։
«Այսօր Եվրոպայում կրկին գոյություն ունի երկու ճամբար՝ պատերազմի կուսակցություն և խաղաղության կուսակցություն։ Այս պահին հաղթում են այն ուժերը, որոնք կողմ են պատերազմին։ Բրյուսելը պատերազմ է ուզում, Հունգարիան ուզում է խաղաղություն», — ասել է Օրբանը։