Ուկրաինայի նախագահ Վլադիմիր Զելենսկին հայտարարել է, որ Չինաստանը Ռուսաստանին տրամադրում է տիեզերական հետախուզության տվյալներ Ուկրաինայի վրա հարվածների համար։
«Մենք տեսնում ենք Ռուսաստանի կապերի ամրապնդումը Չինաստանում այն կառույցների հետ, որոնք կարող են տրամադրել տիեզերական հետախուզության տվյալներ։ Ցավոք, կապ է հայտնաբերվել Ուկրաինայի տարածքի չինական արբանյակային պատկերների և համապատասխան էներգետիկ օբյեկտների վրա Ռուսաստանի հարվածների միջև», – ասել է նա։
Զելենսկին հավելել է, որ նման գործողությունները թույլ են տալիս Ռուսաստանին երկարաձգել պատերազմը։