Փարիզում գողացել են 150,000 եվրո արժողությամբ շափյուղա և այլ արժեքավոր իրեր։ Դեպքը տեղի է ունեցել զարդեր տեղափոխող սուրհանդակների վրա հարձակման ժամանակ, հաղորդում է Le Figaro-ն՝ հղում անելով դատախազությանը։
Հարձակումը տեղի է ունեցել դեկտեմբերի 22-ի առավոտյան։ Անհայտ հարձակվողը մուրճով հարձակվել է երկու սուրհանդակների վրա, հենց որ նրանք դուրս են եկել իրենց մեքենայից։
Հարձակվողը հարվածել է սուրհանդակներից մեկին քունքում և գողացել զարդերով և ոսկով լի հինգ պայուսակ։ Այնուհետև նա փախել է սկուտերով։
Տուժածը հոսպիտալացվել է։ Վնասի ընդհանուր գումարը կազմել է 160,000 եվրո, որից 150,000 եվրոն շափյուղայի արժեքն է։
Դատախազությունը պարզաբանել է, որ հարձակվողը, հավանաբար, լավ տեղեկացված է եղել առաքման և բեռի արժեքի մասին։
Նա, ինչպես գողացված զարդերը, դեռևս չի հայտնաբերվել։