Կոկաին, հերոին, մեթադոն մարիխուանա, մեթամֆետամին են ձեռք բերել, մասնատել ու փոքր չափաաբաժիններով իրացրել Երևանում․ ՖՈՏՈ
ԵՐԵՎԱՆ, 24 դեկտեմբերի․/Նովոստի–Արմենիա/․ Քրեական ոստիկանության Երևան քաղաքի վարչության թմրամիջոցների անօրինական շրջանառության դեմ պայքարի բաժնում ստացվել էր օպերատիվ տվյալ, որ Առինջի բնակիչ 33 և 29 տարեկան երկու երիտասարդներ համացանցի միջոցով ձեռք են բերում առանձնապես խոշոր չափերի թմրամիջոցներ, որոնք մասնատում են փոքր չափաբաժինների և տեղադրելու միջոցով դրանք իրացնում Երևանի տարբեր տարածքներում, հաղորդում է ՀՀ ոստիկանությունը։
Նոյեմբերի 28-ին` ժամը 20.40-ի սահմաններում, Երևանի Ղափանցյան փողոցում նրանք ձերբակալվել են, իսկ 29-ամա երիտասարդի վարած մեքենան տեղափոխվել է պահպանվող հատուկ տարածք:
33-ամյա տղամարդու խուզարկությամբ հայտնաբերվել են ընդհանուր 47,5 գրամ տարբեր տեսակի թմրամիջոցներ, այդ թվում՝ 10 գրամ մարիխուանայի, 4,5 գրամ մեթամֆետամինի, 3 գրամ կոկաինի, 30 գրամ հերոինի նմանվող զանգվածներ և «Մեթադոն» գրառմամբ հոգեմետ 100 դեղահաբ։
Երկուսն էլ կալանավորվել են։ Նախաքննությամբ հանգամանքները պարզվում են
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
