Քաղաքականություն
24.12.2025 | 17:39
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ։ Թուրքական կողմի հաղորդագրության հաղորդմամբ՝ հեռախոսազրույցի ընթացքում Էրդողանը նշել է, որ Թուրքիան և Ադրբեջանը շարունակում են ջանքերը՝ բոլոր ոլորտներում, մասնավորապես, առևտրում, համագործակցության միջոցով իրենց նպատակներին հասնելու համար։
Նա նաև իր գոհունակությունն է հայտնել Ադրբեջանի և Հայաստանի միջև խաղաղության գործընթացի առաջընթացի վերաբերյալ և նշել, որ աջակցում են այդ գործընթացին։
Զրույցի ընթացքում Էրդողանը նաև շնորհավորել է Ալիևին ծննդյան և Նոր տարվա կապակցությամբ։
Թարգմանությունը՝ Էմմա Չոբանյանի