BRAVO.am-ի տարեվերջյան ամփոփումների շարքում այս անգամ 2025-ի արդյունքների ու հաջորդ տարվա սպասելիքների մասին պատմել է թատրոնի ու կինոյի դերասանուհի Ռոզի Ավետիսովան:
– Որո՞նք եք համարում 2025 թվականի ամենամեծ ձեռքբերումն ու կորուստը:
– 2025-ը տարբերվող նախագծերի տարի էր, մասնագիտական աճի ու ներդաշնակության: Օձի տարին ինձ միշտ մի փոքր ծանր է թվում ՝ կաշի փոխելու մասով (ծիծաղում է,-հեղ.), բայց դա անխուսափելի է: Կորուստներ չեն եղել: Իհարկե, իմ կյանքից շատ մարդիկ են ֆիլտրվել, բայց դա միայն ձեռքբերում եւ իմաստնության լրացում եմ համարում:
– Ի՞նչ եք Ձեզ հետ տանում գալիք տարի:
– Կուտակած մեծ փորձ, էներգիա եւ ինքնավստահություն եմ տանում 2026:
– Ո՞րն էր տարվա ամենաուժեղ մշակութային ազդեցությունը:
– Փարաջանովին նվիրված փերֆորմանսը, որը տեղի ունեցավ Օպերայի եւ բալետի ազգային ակադեմիական թատրոնում:
– 2025-ին դիտած լավագույն ֆիլմն ու ներկայացումը:
– «Բուգոնիա»-ն դիտածս լավագույն ֆիլմն էր, իսկ Բուտուսովի «Ճայը»՝ լավագույն ներկայացումը:
– Նոր տարվան նվիրված Ձեր սիրելի երգը:
– Ֆրենկ Սինատրայի «Have Yourself a Merry Little Christmas»-ը:
– Ֆիլմը:
– «Տանը միայնակը» եւ արդեն մեր «Mallորվածը» (ծիծաղում է,-հեղ.):
– Տոնական ուտելիքը։
– Ամեն տարի մայրիկիս պատրաստած սացիվին:
– Այցելած երկիրը:
– Ամանորը երկրից դուրս դեռ չեմ տոնել:
– Մինչեւ 2026-ը ի՞նչ եք ուզում հասցնել անել:
– Պետք է հասցնեմ նվերներ գնել (ծիծաղում է,-հեղ.):
– 2025-ը Ձեզ համար մեկ բառով ինչպե՞ս կբնութագրեք:
– Զտման տարի:
– Տոնի ամենակախարդական պահը Ձեզ համար:
– Երեխաների հավատը Ձմեռ պապիկին եւ սպասումը:
– Ի՞նչ կխնդրեք Ձմեռ պապից:
– Շատ նվերներ, եւ ոչ միայն նյութական (ծիծաղում է,-հեղ.):
Զրույցը՝ Հասմիկ Բաբայանի
Լուսանկարները՝ Ռոզի Ավետիսովայի անձնական արխիվից
