Ադրբեջանի նախագահ Իլհամ Ալիևն ու երկրի առաջին տիկին Մեհրիբան Ալիևան հայաթափված ու էթնիկ զտման ենթարկված Արցախի մայրաքաղաք Ստեփանակերտում մասնակցել են, այսպես կոչված, «Հաղթանակի զբոսայգու» բացմանը:
Այս տարվա փետրվարին Ալիևը դրել էր այգու հիմքը, որի ընդհանուր մակերեսը կազմում է 9 հեկտար:
Հաղորդվում է, որ այգու մուտքից մինչև «Հաղթական կամար» կառուցվել է 44 աստիճան: Կենտրոնական հատվածում տեղադրված հուշատախտակները պարունակում են Արցախյան 44-օրյա պատերազմի ընթացքի մասին տեղեկատվություն:
Այս կառույցի բարձրությունը 44 մետր է, որը խորհրդանշում է պատերազմի օրերի քանակը: Շենքը բաղկացած է 10 հարկից: Իններորդ հարկում ստեղծվել է «Հաղթանակի պատկերասրահ» ցուցասրահ։
Թարգմանությունը՝ Էմմա Չոբանյանի