Coursera-ն հայտարարել է, որ պատրաստվում է ձեռք բերել իր մրցակից Udemy-ն՝ ամբողջությամբ բաժնետոմսերով գործարքի շրջանակում, որը միաձուլված ընկերությունը գնահատում է շուրջ 2.5 միլիարդ դոլար։
Ըստ համաձայնագրի՝ Udemy-ի բաժնետերերը իրենց յուրաքանչյուր բաժնետոմսի դիմաց կստանան Coursera-ի բաժնետոմսերի 0.8 մասը։ Արդյունքում, Udemy-ն կհասնի մոտ 930 միլիոն դոլար գնահատման։ Լուրից հետո Coursera-ի բաժնետոմսերն աճել են մոտ 4%-ով, իսկ Udemy-ինը՝ գրեթե 22%-ով։
Ընկերությունները նշել են, որ միաձուլումը կուժեղացնի իրենց դիրքերը կորպորատիվ աշխատուժի վերապատրաստման շուկայում, հատկապես արհեստական բանականության, տվյալագիտության և ծրագրային ապահովման ոլորտներում։ Վերլուծաբանների կարծիքով՝ հարթակները միմյանց փոխլրացնում են․ Coursera-ն առաջարկում է համալսարանական աստիճաններ և սերտիֆիկատներ, իսկ Udemy-ն՝ անկախ դասախոսների կողմից դասընթացներ և բիզնես բաժանորդագրություններ։ Հնարավոր են նաև ծախսերի խնայողություններ։
Չնայած ԱԲ հմտությունների զարգացման շուրջ աճող հետաքրքրությանը, ներդրողները շարունակում են թերահավատորեն մոտենալ առցանց կրթությանը։ Երկու ընկերությունների բաժնետոմսերն էլ զգալիորեն հետ են մնում իրենց IPO-ից հետո գրանցած առավելագույն արժեքներից՝ մրցակցության, գնային ճնշումների և ԱԲ ներդրումներից ստացած եկամուտների անորոշության պատճառով։
Գործարքը կվերջնականացվի հաջորդ տարվա երկրորդ կեսին՝ կարգավորիչ մարմինների և բաժնետերերի կողմից հաստատումից հետո։