Հայաստանի ֆուտբոլի ազգային թիմի ավագ Էդուարդ Սպերցյանը ճանաչվել է «Կրասնոդար» ֆուտբոլային ակումբի 2025/26 մրցաշրջանի առաջին հատվածի լավագույն ֆուտբոլիստ
ԵՐԵՎԱՆ, 24 դեկտեմբերի․/Նովոստի-Արմենիա/․ Հայաստանի ֆուտբոլի ազգային թիմի ավագ Էդուարդ Սպերցյանը ճանաչվել է «Կրասնոդար» ֆուտբոլային ակումբի 2025/26 մրցաշրջանի առաջին հատվածի լավագույն ֆուտբոլիստ: Այս մասին հայտնել է sportaran-ը։
Սպերցյանը քվեարկության արդյունքում հավաքել է 43,67 տոկոս ձայն ու մեծ առավելությամբ առաջին տեղում է:
Ընթացիկ մրցաշրջանում Էդուարդ Սպերցյանը դարձել է 8 գոլի ու 12 արդյունավետ փոխանցման հեղինակ:
Մրցաշրջանի առաջին հատվածից հետո «Կրասնոդար»-ը գլխավորում է Պրեմիեր լիգայի մրցաշարային աղյուսակը:
Հիշեցնենք, որ Սպերցյանը նաև ճանաչվել է ՌՊԼ լավագույն ֆուտբոլիստ նոյեմբեր-դեկտեմբեր ամիսներին:
