SPUTNIK Armenia-ի հաղորդմամբ՝ 2026 թվականի մարտի 11-ից Turkish Airlines ավիաընկերությունը կսկսի իրականացնել Ստամբուլ-Երևան-Ստամբուլ երթուղով ամենօրյա չվերթներ։ Այս մասին X սոցիալական ցանցում հայտնել է Հայաստանի հետ հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը՝ որոշումը բնութագրելով որպես «ևս մեկ քայլ հարաբերությունների կարգավորման ճանապարհին»։
Չնայած 1993 թվականից փակ ցամաքային սահմանին, երկու երկրների միջև օդային հաղորդակցությունը երբեք լիովին չի դադարեցվել. տարբեր ավիաընկերություններ պարբերաբար իրականացրել են թռիչքներ, սակայն դրանք մինչ օրս չեն ունեցել ամենօրյա հաճախականություն։
Հատուկ ներկայացուցիչներ Սերդար Քըլըչի և Ռուբեն Ռուբինյանի վերջին հանդիպումը տեղի է ունեցել «Մարգարա» անցակետում, որտեղ քննարկվել է սահմանի մասնակի բացման գործընթացի արագացումը։