https://arm.sputniknews.ru/20251222/hajastani-ev-adrbejani-despannery-amn-um-masnakcel-en-trampi-ughi-nakhagtsi-qnnarkmany-97135212.html
Հայաստանի և Ադրբեջանի դեսպանները ԱՄՆ-ում մասնակցել են «Թրամփի ուղի» նախագծի քննարկմանը
Հայաստանի և Ադրբեջանի դեսպանները ԱՄՆ-ում մասնակցել են «Թրամփի ուղի» նախագծի քննարկմանը
Sputnik Արմենիա
ԱՄՆ-Ադրբեջան առևտրի պալատի կազմակերպած միջոցառմանը մասնակցել են նաև Վաշինգտոնում Վրաստանի, Ղազախստանի, Ղրղզստանի, Թուրքմենստանի և Ուզբեկստանի դեսպանները 22.12.2025, Sputnik Արմենիա
2025-12-22T14:18+0400
2025-12-22T14:18+0400
2025-12-22T14:19+0400
հայաստան
ադրբեջան
ամն
թրամփի ուղի (tripp)
նարեկ մկրտչյան
https://cdn.am.sputniknews.ru/img/07e9/01/0f/84788394_0:70:1500:914_1920x0_80_0_0_b43bb89554eaeecb400e7278f3f9733e.jpg
ԵՐԵՎԱՆ, 22 դեկտեմբերի – Sputnik. ԱՄՆ-ում տեղի է ունեցել «Trump Route for International Peace and Prosperity» (TRIPP) նախաձեռնության քննարկում, որին մասնակցել են Հայաստանի և Ադրբեջանի դեսպաններ Նարեկ Մկրտչյանը և Խազար Իբրահիմը։ Այս մասին ասվում է ԱՄՆ-Ադրբեջան առևտրի պալատի (USACC) հայտարարության մեջ։ԱՄՆ-Ադրբեջան առևտրի պալատի կազմակերպած միջոցառմանը մասնակցել են նաև Վաշինգտոնում Վրաստանի, Ղազախստանի, Ղրղզստանի, Թուրքմենստանի և Ուզբեկստանի դեսպանները, ինչպես նաև ԱՄՆ կառավարության բարձրաստիճան պաշտոնյաներ և բիզնեսի ներկայացուցիչներ։ Դռնփակ քննարկմանը կողմերը քննարկել են TRIPP նախաձեռնության դերը տարածաշրջանային կապի ամրապնդման և Միջին միջանցքի երկայնքով ԱՄՆ կայուն տնտեսական ներկայության հաստատման գործում։Նա նաև ընդգծել է, որ ամերիկյան ընկերություններն ու կապիտալն անհրաժեշտ են այդ տեսլականն իրականացնելու համար, ու ԱՄՆ վարչակազմը ցանկանում է ապահովել նրանց մասնակցությունը բանակցությունների սեղանի շուրջ։ՀՀ դեսպան Նարեկ Մկրտչյանն ընդգծել է՝ ԱՄՆ մասնակցությունը կօգնի ապահովել, որ նախաձեռնությունը շոշափելի օգուտներ բերի Հարավային Կովկասին, Կենտրոնական Ասիային և այլ տարածաշրջաններին:«Ողջունում եմ ադրբեջանցի գործընկերների հետ փոխգործակցությունը, որ քննարկումներն այժմ ընթանում են զարգացման կոնկրետ նախագծերի ուղղությամբ։ Նման համագործակցությունը կարևոր է իրական տնտեսական և սոցիալական արդյունքների հասնելու համար»,- նշել է Մկրտչյանը։Խազար Իբրահիմը նշել է, որ այս տարվա օգոստոսին Վաշինգտոնում կայացած առաջնորդների գագաթնաժողովը պատմական դեր է խաղացել տարածաշրջանային խաղաղության գործընթացի առաջխաղացման գործում։ Ադրբեջանցի դեսպանը նաև ընդգծել է, որ TRIPP նախագծի՝ որպես Միջին միջանցքի հիմնական բաղադրիչի հաջողության ապահովումը կարևոր է։Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։ՀՀ վարչապետ Նիկոլ Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
ադրբեջան
ամն
2025
Լուրեր
am_HY
https://cdn.am.sputniknews.ru/img/07e9/01/0f/84788394_128:0:1461:1000_1920x0_80_0_0_044208f0b33ab1215ecc5a525df444a9.jpg
հայաստան, ադրբեջան, ամն, թրամփի ուղի (tripp), նարեկ մկրտչյան
հայաստան, ադրբեջան, ամն, թրամփի ուղի (tripp), նարեկ մկրտչյան
ԱՄՆ-Ադրբեջան առևտրի պալատի կազմակերպած միջոցառմանը մասնակցել են նաև Վաշինգտոնում Վրաստանի, Ղազախստանի, Ղրղզստանի, Թուրքմենստանի և Ուզբեկստանի դեսպանները
ԵՐԵՎԱՆ, 22 դեկտեմբերի – Sputnik. ԱՄՆ-ում տեղի է ունեցել «Trump Route for International Peace and Prosperity» (TRIPP) նախաձեռնության քննարկում, որին մասնակցել են Հայաստանի և Ադրբեջանի դեսպաններ Նարեկ Մկրտչյանը և Խազար Իբրահիմը։ Այս մասին ասվում է ԱՄՆ-Ադրբեջան առևտրի պալատի (USACC) հայտարարության մեջ։
ԱՄՆ-Ադրբեջան առևտրի պալատի կազմակերպած միջոցառմանը մասնակցել են նաև Վաշինգտոնում Վրաստանի, Ղազախստանի, Ղրղզստանի, Թուրքմենստանի և Ուզբեկստանի դեսպանները, ինչպես նաև ԱՄՆ կառավարության բարձրաստիճան պաշտոնյաներ և բիզնեսի ներկայացուցիչներ։ Դռնփակ քննարկմանը կողմերը քննարկել են TRIPP նախաձեռնության դերը տարածաշրջանային կապի ամրապնդման և Միջին միջանցքի երկայնքով ԱՄՆ կայուն տնտեսական ներկայության հաստատման գործում։
«ԱՄՆ վարչակազմի աջակցությամբ Ադրբեջանի և Հայաստանի միջև օգոստոսին ստորագրված խաղաղության համաձայնագիրը պատմական առաջընթաց է։ TRIPP-ը այս խաղաղության կայունությունն ապահովելու միջոց է՝ տարանցիկ երթուղին վերածելով բարգավաճման շարժիչի»,- ասել է ԱՄՆ Պետդեպարտամենտի միջազգային խաղաղապահ գործողությունների գրասենյակի տնօրեն և միջազգային խաղաղության հարցերով հատուկ դեսպանորդ Վինայ Չավլան։
Նա նաև ընդգծել է, որ ամերիկյան ընկերություններն ու կապիտալն անհրաժեշտ են այդ տեսլականն իրականացնելու համար, ու ԱՄՆ վարչակազմը ցանկանում է ապահովել նրանց մասնակցությունը բանակցությունների սեղանի շուրջ։
ՀՀ դեսպան Նարեկ Մկրտչյանն ընդգծել է՝ ԱՄՆ մասնակցությունը կօգնի ապահովել, որ նախաձեռնությունը շոշափելի օգուտներ բերի Հարավային Կովկասին, Կենտրոնական Ասիային և այլ տարածաշրջաններին:
«Ողջունում եմ ադրբեջանցի գործընկերների հետ փոխգործակցությունը, որ քննարկումներն այժմ ընթանում են զարգացման կոնկրետ նախագծերի ուղղությամբ։ Նման համագործակցությունը կարևոր է իրական տնտեսական և սոցիալական արդյունքների հասնելու համար»,- նշել է Մկրտչյանը։
Խազար Իբրահիմը նշել է, որ այս տարվա օգոստոսին Վաշինգտոնում կայացած առաջնորդների գագաթնաժողովը պատմական դեր է խաղացել տարածաշրջանային խաղաղության գործընթացի առաջխաղացման գործում։ Ադրբեջանցի դեսպանը նաև ընդգծել է, որ TRIPP նախագծի՝ որպես Միջին միջանցքի հիմնական բաղադրիչի հաջողության ապահովումը կարևոր է։