Ղազախստանը 2026 թվականին կստանձնի Եվրասիական տնտեսական միության (ԵԱՏՄ) նախագահությունը. հայտարարել է Բելառուսի նախագահ Ալեքսանդր Լուկաշենկոն Եվրասիական տնտեսական բարձրագույն խորհրդի փակ նիստում: «Օրակարգի կարևոր կետ է մեր միության մարմինների նախագահությունը 2026 թվականին։ Ըստ ընթացակարգի՝ այս պատվավոր իրավունքը անցնում է Ղազախստանի Հանրապետությանը։ Վստահ եմ, որ Աստանայի նախագահությունը նոր, հզոր խթան կբերի եվրասիական տնտեսական ինտեգրման զարգացմանը, ինչպես միշտ եղել է մեզ համար», – նշեց նա։
Նրա խոսքով՝ ընդլայնված կազմով հանդիպման ժամանակ Ղազախստանի նախագահ Կասիմ-Ժոմարտ Տոկաևը, ցանկության դեպքում, կարող է խոսել ԵԱՏՄ-ում հանրապետության հաջորդ տարի նախագահության առաջնահերթությունների մասին։
Բելառուսից և Ռուսաստանից բացի, ԵՏՄ անդամ պետություններն են նաև Հայաստանը, Ղազախստանը և Ղրղզստանը։