«Մանչեսթեր Սիթիի» հարձակվող Էրլինգ Հալանդը շարունակում է վերագրել Անգլիայի Պրեմիեր լիգայի պատմությունը:
Շաբաթ օրը՝ դեկտեմբերի 20-ին, 17-րդ տուրի շրջանակում կայացած «Վեսթ Հեմի» դեմ խաղում (3:0) նորվեգացի ռմբարկուն դուբլի հեղինակ դարձավ՝ գերազանցելով լեգենդար Կրիշտիանու Ռոնալդուի ցուցանիշը:
Այս երկու գոլերի շնորհիվ Հալանդի հաշվին ԱՊԼ-ում արդեն կա 104 գնդակ, ինչը մեկով ավելի է «Մանչեսթեր Յունայթեդի» նախկին հարձակվող Կրիշտիանու Ռոնալդուի արդյունքից (103 գոլ): Տպավորիչ է հատկապես այն արագությունը, որով նորվեգացին հասել է այս ցուցանիշին. նրանից պահանջվել է ընդամենը 114 հանդիպում, մինչդեռ պորտուգալացի աստղը նույն արդյունքի համար անցկացրել էր 236 խաղ:
Խաղի ընթացքը և մրցաշարային աղյուսակը
«Էթիհադ» մարզադաշտում կայացած խաղում «քաղաքայինները» որևէ շանս չթողեցին մրցակցին: Բացի Հալանդից, գոլով աչքի ընկավ նաև թիմի նորեկ Տիջանի Ռեյնդերսը:
Այս հաղթանակի շնորհիվ Պեպ Գվարդիոլայի սաները տոնեցին իրենց 5-րդ անընդմեջ հաղթանակը և 37 միավորով բարձրացան մրցաշարային աղյուսակի 1-ին հորիզոնական: Նրանց հիմնական մրցակից «Արսենալը» ունի 36 միավոր և մեկ պահեստային հանդիպում: «Վեսթ Հեմը», կրելով հերթական պարտությունը, 13 միավորով մնում է վտանգավոր՝ 18-րդ տեղում:
Մյուս տուրում «Մանչեսթեր Սիթին» ուժերը կչափի «Նոթինգհեմ Ֆորեսթի» հետ արտագնա խաղում: «Վեսթ Հեմը» սեփական հարկի տակ կընդունի «Ֆուլհեմին»:
Հանդիպման գոլերը՝ ԱՅՍՏԵՂ
ԱՊԼ-ի մրցաշարային աղյուսակն այս պահին