Թուրքիայի պաշտպանության նախարարը հայտարարել է, որ Անկարան և Վաշինգտոնն աշխատում են Թուրքիայի նկատմամբ սահմանված ամերիկյան պատժամիջոցների մի մասը չեղարկելու ուղղությամբ։
«Տեղյակ ենք, որ նախագահ Թրամփը փորձում է Սենատում առաջ տանել այդ նախաձեռնությունը։ Մենք ևս ջանքեր ենք գործադրում այդ ուղղությամբ։ Առանձին աշխատանքային խմբեր ենք ստեղծել։ Թուրքիան և ԱՄՆ-ը կլուծեն այս խնդիրը»,- շեշտել է Յաշար Գյուլերը։
Նա հավելել է, որ Անկարան խնդիր չի տեսնում նաև ԱՄՆ-ից F-16 կործանիչներ գնելու հարցում։ «Իհարկե, մեր առաջնահերթությունը F-35-երն են։ Գիտենք, որ Իսրայելը և Հունաստանը փորձում են խոչընդոտել դրանք ձեռք բերելուն»,- հավելել է նախարարը։
Մեկնաբանելով Eurofighter կործանիչների գնման հարցը՝ Գյուլերը հիշեցրել է, որ Մեծ Բրիտանիայի հետ համաձայնագրի շրջանակում Թուրքիան ձեռք է բերելու 20 նոր Eurofighter։ Համապատասխան բանակցություններ են տարվում նաև Կատարի և Օմանի հետ։
Մանրամասները՝ միջազգային տեսաշարում։
Հեղինակ՝ Դիանա Գասպարյան