Պակիստանի դատարանը «Արդարության շարժում» կուսակցության հիմնադիր, արդեն բանտում գտնվող նախկին վարչապետ Իմրան Խանին դատապարտել է ևս 17 տարվա ազատազրկման՝ կոռուպցիայի մեղադրանքով, հայտնում է Dawn-ը։
Պակիստանի տեղեկատվության նախարար Աթթաուլլահ Թարարը նշել է, որ բանտարկյալները կսկսեն կրել իրենց նոր պատիժները նախորդների լրանալուց հետո. 2025 թվականի հունվարին դատարանը Խանին դատապարտել էր 14 տարվա ազատազրկման կոռուպցիայի մեղադրանքով, իսկ նրա կնոջը՝ 7 տարվա։
Նախկին վարչապետի կինը՝ Բուշրա Բիբիի պատիժը ևս ավելացվել է 17 տարով։
Քննիչների տվյալներով՝ Խանը, չարաշահելով իր պաշտոնական դիրքը, 2021 թվականի մայիսին Սաուդյան Արաբիայի կառավարությունից նվեր է ստացել զարդեր, չի պահել դրանք պետական պահեստում, այլ գնել է իր համար՝ վճարելով իրերի սկզբնական արժեքից մոտավորապես 14 անգամ պակաս։
Խանը դատապարտվել է մի քանի մեղադրանքներով, այդ թվում՝ պաշտոնական դիրքի չարաշահման համար։ Զույգը նաև տուգանվել է։ Եթե նրանք չվճարեն տուգանքը, նրանց կսպառնա ավելի երկար բանտարկություն։
