Վեհափառ Հայրապետն իր առաքելության մեջ ամուր է և հաստատուն, և, բնականաբար, Մայր Աթոռի բնականոն գործունեության մեջ որևէ բան փոփոխված չէ․ լրագրողների հետ զրույցում ասաց Մայր Աթոռի տեղեկատվական համակարգի տնօրեն Տեր Եսայի քահանա Արթենյանը։
«Մայր Աթոռը՝ ի դեմս Վեհափառ Հայրապետի և միաբանության, շարունակում է իր առաքելությունը»,- ասաց նա։
Նա խոսել է նաև Մայր Աթոռի գերագույն խորհրդի կազմի փոփոխության մասին, նշել, որ գերագույն հոգևոր խորհրդի կազմից դուրս են եկել Աբրահամ Սրբազանը, Գևորգ Սրբազանը և Վազգեն Սրբազանը։
«Նրանց փոխարինելու են Մակար Սրբազանը, Վիրահայոց թեմի Սրբազանը՝ Կիրակոս Սրբազանը: Գերագույն հոգևոր խորհրդի անդամներն ընտրվում կամ նշանակվում են կախված աշխարհագրական դիրքից, նաև տվյալ թեմի առաջնորդ լինելու հանգամանքից, այսինքն՝ Վիրահայոց թեմի առաջնորդը Վազգեն Սրբազանն էր և այդ կարգավիճակով ինքը գերագույն հոգևոր խորհրդի անդամ էր, հիմա Կիրակոս Սրբազանն իրեն փոխարինեց»,-ասել է նա: