Բագրատ Սրբազանի և մյուսների գործով դատական նիստը հետաձգվեց։ Մեղադրյալներից Իգոր Սարգսյանն ու Կարո Օկումուշյանն այսօրվա նիստին չեն ներկայացել։
«Դատական համակարգի ներկայացուցիչները չեն կարողանում կազմակերպել բոլորի ներկայությունը դատական նիստերին, որովհետև իրենց ծառայությունը ստիպված կապված է լինում այլ դեպքերի և միջադեպերի հետ, և նրանք չեն կարողանում իրենց պարտականությունների առաջնահերթությունները կատարել։ Խաթարված է համակարգը»,- նշեց Բագրատ Սրբազանը։ Նա չբացառեց, որ ոստիկաններին ուղարկել են Մայր Աթոռ Սուրբ Էջմիածին՝ «խայտառակ միջադեպին մասնակցելու, միգուցե հասարակական կարգ պահպանելու համար, որից տուժում է այս դատական գործընթացը»։