18 դեկտեմբերի 2025 – 12:29 AMT
PanARMENIAN.Net – Ներքին գործերի նախարարությունը արձագանքել է սոցիալական հարթակներում ՆԳՆ-ի անունից տարածվող կեղծ տեղեկություններին, որոնք վերաբերում են վարորդական վկայականների տրամադրման հեշտացված կամ ոչ պաշտոնական տարբերակներին՝ հորդորելով զգոն լինել։
«Սոցիալական տարբեր հարթակներում տարածվում են կեղծ տեղեկություններ և տեսանյութեր՝ Ներքին գործերի նախարարության անունից վարորդական վկայականների տրամադրման «միջնորդավորված» կամ «պարզեցված» եղանակների վերաբերյալ։
Տեղեկացնում ենք, որ նման հրապարակումները խարդախություն են և չեն համապատասխանում իրականությանը։ Կան նախաձեռնված քրեական վարույթներ։
«Հարգելի՛ քաղաքացիներ, եղե՛ք զգոն և մի՛ տրվեք խաբեություններին։ Վարորդական վկայական կարելի է ստանալ բացառապես օրենքով սահմանված ընթացակարգով»,- ասվում է ՆԳՆ հայտարարության մեջ։