Փարիզում կայացած Հայաստան-Ֆրանսիա ռազմավարական պաշտպանական խորհրդակցությունների արդյունքում կողմերը ստորագրել են պաշտպանական համագործակցության 2026 թվականի ծրագիրը, հայտնել են ՀՀ պաշտպանության նախարարությունից։
Ծրագիրը ներառում է մի քանի տասնյակ միջոցառումներ Հայաստանի ԶՈւ գործունեության գրեթե բոլոր ոլորտներում։
Կողմերը ամփոփել են 2025 թվականին իրականացված համագործակցության աշխատանքները և նախանշել 2026 թվականի ծրագրերը՝ ընդգծելով երկկողմ համագործակցությանը ռազմավարական բովանդակություն և ինստիտուցիոնալ բնույթ հաղորդելու կարևորությունը։
Հանդիպումների արդյունքում նաև որոշում է կայացվել հաջորդ ռազմավարական պաշտպանական խորհրդակցություններն անցկացնել Երևանում։
Կարդացեք նաև՝
Փաշինյանը և Մակրոնը քննարկել են Հարավային Կովկասում խաղաղության գործընթացը և TRIPP նախագիծը
