https://arm.sputniknews.ru/20251217/datakhazy-pahanjum-e-vardan-ghukasjani-kalanqy-erkaradzgel-3-amsvov-96967933.html
Դատախազը պահանջում է Վարդան Ղուկասյանի կալանքը երկարաձգել 3 ամսով
Դատախազը պահանջում է Վարդան Ղուկասյանի կալանքը երկարաձգել 3 ամսով
Sputnik Արմենիա
Պաշտպանական կողմը պնդում է, որ տեղի ունեցող գործընթացների համար հատուկ քաղաքական պատվեր է «իջեցվել»։ 17.12.2025, Sputnik Արմենիա
2025-12-17T15:44+0400
2025-12-17T15:44+0400
2025-12-17T15:44+0400
վարդան ղուկասյան
դատ
դատարան
դատախազ
կալանք
https://cdn.am.sputniknews.ru/img/07e9/0b/12/95971621_0:77:1268:790_1920x0_80_0_0_13901f46420b9e40e38d6da77c35979f.jpg
ԵՐԵՎԱՆ, 17 դեկտեմբերի – Sputnik. Գյումրու համայնքապետ Վարդան Ղուկասյանի կալանքի ժամկետը կարող է երկարաձգվել 3 ամսով։ Հակակոռուպցիոն դատարանում դատավոր Լևոն Պետրոսյանի նախագահությամբ այսօր մեկնարկած դատական նիստի ժամանակ մեղադրող դատախազը միջնորդություն ներկայացրեց երկարաձգել կալանքի ժամկետը, քանի որ ըստ դատախազության՝ ավելի վաղ կիրառված խափանման միջոց կալանքի հիմքերը շարունակվում են պահպանվել։Դատախազի խոսքով՝ բարձր է ռիսկը, որ Վարդան Ղուկասյանն ազատության մեջ մնալու դեպքում կկատարի նոր հանցանք, ինչպես նաև հաշվի առնելով զբաղեցրած բարձր պաշտոններն ու ունեցած դիրքը, հեղինակությունը կարող է անօրինական ազդեցություն ունենալ վկաների և գործով անցնող այլ անձանց վրա։Պաշտպանական կողմն էլ միջնորդություններ է ներկայացրել Վարդան Ղուկասյանի նկատմամբ կիրառված խափանման միջոց կալանքը վերացնելու, ոչ իրավաչափ, առողջական վիճակի հետ ոչ համատեղելի ճանաչելու վերաբերյալ։Պաշտպան Զարուհի Փոստանջյանն իր խոսքում շարունակեց վստահորդի պնդումը՝ Վարդան Ղուկասյանի նկատմամբ մեկնարկած իրավական գործընթացների համար քաղաքական պատվեր կա։Հիշեցնենք՝ հոկտեմբերի 20-ին ուժայինները ներխուժեցին Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։ Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Հոկտեմբերի 21-ի առավոտյան Գյումրու համայնքապետ Վարդան Ղուկասյանը կալանավորվեց 2 ամսով։Հոկտեմբերի 26-ին հայտնի դարձավ, որ Ղուկասյանին նոր մեղադրանք է առաջադրվել Հայաստանի` այլ երկրների հետ միություն կազմելու վերաբերյալ մտքերի համար։ ՔԿ–ն նոյեմբերի 21-ին հայտնեց, որ նրա նկատմամբ հանրային քրեական հետապնդում է հարուցվել նաև ՔՕ 297-րդ հոդվածի 2-րդ մասի 1-ին և 3-րդ կետերով (մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով կատարված խուլիգանությունը։
2025
Լուրեր
am_HY
https://cdn.am.sputniknews.ru/img/07e9/0b/12/95971621_60:0:1189:847_1920x0_80_0_0_2005cb8d071817ecc8dfc0344d1797af.jpg
վարդան ղուկասյան, դատ, դատարան, դատախազ, կալանք
վարդան ղուկասյան, դատ, դատարան, դատախազ, կալանք
Պաշտպանական կողմը պնդում է, որ տեղի ունեցող գործընթացների համար հատուկ քաղաքական պատվեր է «իջեցվել»։
ԵՐԵՎԱՆ, 17 դեկտեմբերի – Sputnik. Գյումրու համայնքապետ Վարդան Ղուկասյանի կալանքի ժամկետը կարող է երկարաձգվել 3 ամսով։ Հակակոռուպցիոն դատարանում դատավոր Լևոն Պետրոսյանի նախագահությամբ այսօր մեկնարկած դատական նիստի ժամանակ մեղադրող դատախազը միջնորդություն ներկայացրեց երկարաձգել կալանքի ժամկետը, քանի որ ըստ դատախազության՝ ավելի վաղ կիրառված խափանման միջոց կալանքի հիմքերը շարունակվում են պահպանվել։
Դատախազի խոսքով՝ բարձր է ռիսկը, որ Վարդան Ղուկասյանն ազատության մեջ մնալու դեպքում կկատարի նոր հանցանք, ինչպես նաև հաշվի առնելով զբաղեցրած բարձր պաշտոններն ու ունեցած դիրքը, հեղինակությունը կարող է անօրինական ազդեցություն ունենալ վկաների և գործով անցնող այլ անձանց վրա։
Պաշտպանական կողմն էլ միջնորդություններ է ներկայացրել Վարդան Ղուկասյանի նկատմամբ կիրառված խափանման միջոց կալանքը վերացնելու, ոչ իրավաչափ, առողջական վիճակի հետ ոչ համատեղելի ճանաչելու վերաբերյալ։
«Այս ամենը քաղաքական պատվեր է»,- իր խոսքում ասաց Վարդան Ղուկասյանը։
Պաշտպան Զարուհի Փոստանջյանն իր խոսքում շարունակեց վստահորդի պնդումը՝ Վարդան Ղուկասյանի նկատմամբ մեկնարկած իրավական գործընթացների համար քաղաքական պատվեր կա։